ABŞ-da Azərbaycan diasporu – İncir Gazetesi

Kembricdə Azərbaycan mədəniyyəti və rəsqlərinin təbliği ilə bağlı maraqlı layihənin icrasına başlanıb

Abdullah Yiğit — Mon, 12 Jun 2023 19:53:28 +0000

Kembricdə Azərbaycan mədəniyyəti və rəsqlərinin təbliği ilə bağlı maraqlı layihənin icrasına başlanıb
12 iyun, 2023

Kembricdə Azərbaycan mədəniyyəti və rəsqlərinin təbliği ilə bağlı maraqlı layihənin icrasına başlanıb

Böyük Britaniyada “Kembric şəhərində Azərbaycan mədəniyyətinin təbliğ olunması və milli rəqs günlərinin keçirilməsi” layihəsinə start verilib.

Azərbaycan Diasporuna Dəstək Fondunun (ADDF) dəstəyi və “Azərbaycan Rəqsləri – Kembric BK” (Azerbaijani Dance – Cambridge UK) dərnəyinin təşkilatçılığı ilə Trampinqton pavilyonunda baş tutan ilk dərsdə təkcə soydaşlarımız deyil, həm də Azərbaycana dost münasibəti bəsləyən yerli sakinlər və digər icmaların nümayəndələri iştirak ediblər.

Tədbir iştirakçılarını salamlayan layihə rəhbəri – Azərbaycan Xalq Cümhuriyyəti dövrünün tanınmış nümayəndələrindən biri, görkəmli ədib, maarifçi, publisist və ictimai-siyasi xadim, “Molla Nəsrəddin” jurnalının həmtəsisçisi Ömər Faiq Nemanzadənin Kembricdə yaşayan nəticəsi Ülviyyə Pepinova Azərbaycan mədəniyyətinin və milli rəqslərimizin təbliğinə yönəlmiş layihə barədə məlumat verib və bu maraqlı təşəbbüsü dəstəklədiyinə görə ADDF-ə minnətdarlığını bildirib.

İlk dərsdə xoreoqraf Səkinə Muxtarlı yetirmələrinə “Qarabağ Yallısı” rəqsini öyrədib. Onun həyat yoldaşı Babək Ateş isə musiqi müşayiətini həyata keçirib. Dərsin sonunda milli geyimli Səkinə xanımın ifasında Azərbaycanın “Tərəkəmə” rəqsinin nümayiş etdirilməsi soydaşlarımız və qonaqlar tərəfindən böyük heyranlıqla qarşılanıb.

Ülviyyə Pepinova bilirib ki, Azərbaycan mədəniyyətinin təbliğinə xidmət edən ustad dərsləri sentyabr ayından etibarən ayda bir dəfə keçiriləcək. Bu layihənin ilin sonunadək davam etdirilməsi nəzərdə tutulub.

Ustad dərslərinin iştirakçıları həm də Azərbaycanın ənənəvi çay süfrəsinə qonaq ediliblər. “Azərbaycan Rəqsləri – Kembric BK” dərnəyinin dəvət proqramında ölkəmizdəki zəngin çay süfrəsi ənənələri barədə ətraflı məlumat da yer alıb.

Qeyd edək ki, Diasporla İş üzrə Dövlət Komitəsinin dəstəyi ilə layihə çərçivəsində yaradılmış Azərbaycan guşəsində ölkəmizi və mədəniyyətimizi əks etdirən kitablar, broşürlər, suvenirlər və digər nümunələr təqdim edilib. Bu guşə layihə iştirakçılarında maraq doğurub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/kembricde-azerbaycan-medeniyyeti-ve-resqlerinin-tebligi-ile-bagli-maraqli-layihenin-icrasina-baslanib-3097

Aktauda Heydər Əliyevin 100 illiyi münasibətilə təntənəli konsert təqdim olunub

Abdullah Yiğit — Wed, 24 May 2023 07:12:02 +0000

Aktauda Heydər Əliyevin 100 illiyi münasibətilə təntənəli konsert təqdim olunub
, 2023
Aktauda Heydər Əliyevin 100 illiyi münasibətilə təntənəli konsert təqdim olunub
Qazaxıstanın Aktau şəhərində müasir Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyinə həsr olunmuş təntənəli konsert keçirilib.

Diasporla İş üzrə Dövlət Komitəsinin dəstəyi, Azərbaycanın Aktaudakı Baş konsulluğunun, “Dostluq” Azərbaycan Etnoomədəni Birliyinin və “Azərbaycan Mərkəzi” İctimai Fondunun birgə təşkilatçılığı ilə baş tutan tədbirdə yerli hakimiyyətin, ictimaiyyətin və Azərbaycan diasporunun nümayəndələri iştirak ediblər.

Konsert öncəsi Mangistau vilayətinin akimi Nurlan Noqayev və Azərbaycanın Aktaudakı Baş konsulluğunun başçısı Elçin Məmmədov çıxış edərək, xalqımızın ümummilli liderinin Azərbaycanın müstəqilliyinin bərpası, möhkəmləndirilməsi, ölkəmizin dinamik inkişafı, iki dövlət arasında ikitərəfli münasibətlərin gücləndirilməsi naminə həyata keçirdiyi əvəzsiz və misilsiz xidmətləri diqqətə çatdırıblar. “Dövlətimizin başçısının tapşırığı ilə iki ölkə arasında mədəni-humanitar əməkdaşlığın və dostluq əlaqələrinin möhkəmləndirilməsi istiqamətində işlər davam etdirilir. Hər bir xalqın, ölkənin, etnik qrupun, bütün bəşəriyyətin tarixdə şərəfli yer tutan şəxsiyyətləri vardır. Bunlar silinməz iz qoyan nadir şəxsiyyətlərdir. Heydər Əliyev Qazaxıstanla Azərbaycan arasında ikitərəfli münasibətlərin möhkəmlənməsinə əvəzsiz töhfə verib”, – deyə Nurlan Noqayev söyləyib.

Təntənəli gecədə Azərbaycanın xalq artisti Natiq Şirinovun rəhbərlik etdiyi “Natiq” ritm-qrunu, Azərbaycanın əməkdar artisti, tarzən Şəhriyar İmanov, “Mirvari” Azərbaycan rəqs qrupu, “Akşaqıl” etno-folklor ansamblı, “Jorqa” rəqs ansamblının ifasında maraqlı konsert proqramı təqdim olunub. Konsert tamaşaçıların alqışları ilə qarşılanıb.

Qeyd edək ki, Manqistau vilayətində 7 minə yaxın azərbaycanlı yaşayır. Soydaşlarımız vilayətdəki digər millətlərin nümayəndələri ilə dostluq münasibətləri saxlayırlar. “Dostluq” Azərbaycan Etnomədəni Birliyi Qazaxıstan Xalqları Regional Assambleyasının fəal üzvüdür.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:http://diaspor.gov.az/az/news-detail/aktauda-heyder-eliyevin-100-illiyi-munasibetile-tenteneli-konsert-teqdim-olunub-2986

Nyu-Yorkda Həmrəylik Günü təntənə ilə qeyd edilib

Abdullah Yiğit — Fri, 06 Jan 2023 19:41:01 +0000

Nyu-Yorkda Həmrəylik Günü təntənə ilə qeyd edilib
6 yanvar, 2023
Nyu-Yorkda Həmrəylik Günü təntənə ilə qeyd edilib
ABŞ-ın Nyu-York şəhərində 31 dekabr – Dünya Azərbaycanlılarının Həmrəylik Gününə və Yeni ilə həsr olunmuş bayram tədbiri keçirilib.

Nyu-York Azərbaycan Assosiasiyasının təşkil etdiyi təntənəli tədbirdə ABŞ-ın müxtəlif ştatlarında və şəhərlərində yaşayan 150 soydaşımız iştirak edib.

Tədbiri giriş sözü ilə açan Nyu-York Azərbaycan Assosiasiyasının sədri Ercan Yerdələnli bayram münasibətilə qonaqları təbrik edib. Həmrəylik Gününün tarixi əhəmiyyətindən danışaraq bildirib ki, bu əlamətdar hadisənin rəsmiləşdirilməsi müasir Azərbaycan dövlətinin qurucusu, görkəmli dövlət xadimi Heydər Əliyevin adı ilə bağlıdır. Onun təşəbbüsü ilə təsis edilən Həmrəylik Günü xaricdə yaşayan soydaşlarımızın milli birlik, dogma vətənə bağlılıq, milli-mənəvi dəyərlərimizə hörmət hisslərini özündə təcəssüm etdirir. Nəzərə çatdırıb ki, soydaşlarımız arasında həmrəyliyin möhkəmləndirilməsi, təşkilatlanması və güclü Azərbaycan diasporunun təşəkkülü ABŞ-da yaşayan hər bir azərbaycanlının amalı olmalıdır.

Tədbirdə uzun illər ABŞ-da Azərbaycan diasporunun təşəkkülündə xüsusi əməyi olan Solmaz Əlizadə çıxış edib. Solmaz xanım qeyd edib ki, dahi şəxsiyyət Heydər Əliyevin memarı olduğu güclü Azərbaycan diasporu onun layiqli davamçısı Prezident İlham Əliyevin səyləri nəticəsində daha da güclənib. O, Azərbaycan Prezidentinin təsis etdiyi “Diaspor fəaliyyətində xidmətlərə görə” medalı ilə təltif olunduğuna görə dövlət başçımıza minnətdarlığını bildirib.

Tədbirin bədii hissəsində Azərbaycanın əməkdar artisti, tanınmış skripka ifaçısı Ceyhun İsmayılov (maestro Ceyhun), TRT İstanbul radiosunun solisti, Türk Sənət Musiqisi ifaçısı Selma Geçer, rəqqasə Arifə Axundova və başqaları çıxış ediblər. Vətənpərvərliyi tərənnüm edən Azərbaycan xalq və bəstəkar mahnılarının təqdim olunması qonaqlar tərəfindən alqışlarla qarşılanıb.

Play

Mute

Settings

Enter fullscreen

Play

https://www.youtube.com/watch?v=8LHIX0sMN04

FOTO QALEREYA

dostların arasında bunu ilk tövsiyyə edən sən ol

kaynak:http://diaspor.gov.az/az/news-detail/nyu-yorkda-hemreylik-gunu-tentene-ile-qeyd-edilib-2165